يا ريت الجاي يبقى معاك.. أبيع عُمري وأكون وياك❤️))


- تعرفي يا زينب؟

أول ما أقيف قدامك بحس كأني بعاين في المِرايا، بشوف روحي وأنا بضحك ناسي الدنيا وهمومها وشايفِك إنتِ بس، العالم من غيرك بشوفه فاضي، إنتِ البتملي عليّ حياتي وبتخليها حلوة وبتخليني أحبها، مُتذكر أول مرة لما لقيتِك كُنتِ زي البدر في ليلة تمامه، كأنك فراشة بتطير وهي شايلة معاها كل المحبة والسلام الفي العالم، وصورة ملامحِك الما فارقت عيوني وهلة بطمن بيها روحي لما أخاف ولما توحشيني، بتمنى الجاي من عُمري أعيشه حِداكِ آمن بقُربك مُطمن معاكِ، لو كُنت ما لقيتِك لكُنت إتمنيت إني ألقاكِ، أنا بعكّز بيكِ وبيكِ ببقى شخص مُطمن، قلبه سليم وروحه ضاحكة،
بحبِك من قبُل ما ألقاكِ، من قبُل ما أعرفِك..

مخرج:

" فقط معكِ وبطريقةٍ ما، أُصبح هادئًا مطمئن،
أنا الذي إعتدتُ القلق على الدوام "



#بعد_النهايات


إيه طعم الدنيا من بعدك.. يا كُل حياتي وأنا بهواك❤️)).

#مَارِي.

"يسرقُ قلبي دائمًا، لا ينسى تفاصيلي أبدًا، لا ينسى ما هو لوني المُفضل
وما هي أكثر وجبة أحبها
وما أمقتهُ بشدة؛ ليتجنّبه..

لا ينسى تفصيلةً أخبرته بها بعفوية في مُنتصف حديثي ولا يغفل عن تاريخ مولدي،
يرى شيئًا -أحبه- مُصادفةً؛ فيبتسم لنفسه ويقول:
حبيبتي تُحب هذا.

والأجمل أنه مرَّ على علاقتنا الكثير من الوقت ويظل يتذكر هذه التفاصيل ويبهرني كُل مرة بتركيزه فيها."

يا رب الوقت ده السنة الجايَّة يكون معايا شخص بايع الكُل ومش شاري غيري ، واحَن عليَّا مني..

يكون زي ما بتمنىٰ وأفضل وأرتضيه دينًا وخُلقًا وخَلقًا ، ولا أمن علىٰ نفسي إلا معه ولا أأنس إلا به ولا أجد في غيره ما أجد فيه..

يا رب يكون جبرٌ وعوض عظيم علىٰ هيئة إنسان، ولا يُضيع كِلانا الأخر أبدًا ونكن قرة عين لبعض❤️

مدني دي وين ما تمش مغرووسة في جوااك غررس
منقووشة في داخلك نقشش!

وبكرة يا مدني تعودي جنة الدنيا ودلالها
بكرة شمس الفرحة تشرق بكرة ترجع لا مُحالة!

وقلت لي مدني الجميلة!
مدني يا أجمل خبر!

كل الأغنيات فيك والقصائد براها ليك، والمحبة يا سر هوانا بس إليك
روحى مشتاقة ليك يامدني!
وشوارع مدني وهدوء مدني وأمان مدني!

أبقي قوية، كوني صامدة و متماسكة
فسلامٌ على الرفاقِ حتي نلتقي، وعلى الأماكن حتى نعود 🤎!

#رنا_نادر.
#رسائل.
#ركن_أنامل_قلبي.

د.كيرلس بهجت نزل الليلة اقتباس بقول :

" Relationships don't last because of the good times; they last because the hard times were handled with love and care."

يعني العلاقات في الأصل ما بتستمر عشان الاوقات الحلوة وبس، إنما بتستمر عشان الاوقات الصعبة اللي تم التعامل فيها بحبّ و إهتمام♥️.

وده حقيقي .

يامدني الريـد !

الريــد المن بعدك
ما بقى ريد
ولا بعدك شُفنا
الحنية
حنضل ضقناهو
وشبابنا!
بالمُر عشناهو
وإتخيلو إنو كان
نزوح وأسيــة

يامدنــي!
أخبارك ياخي وأحزانك
وألامــك!
قَّلتّ وخفتّ؟
ولا لســه
بتنتح وبتعاني!

روحنا بتطلع وليكِ
تنـــادي
شايفنك هنــــاك
في العــالي
لا بَعدك شُفنا مثيلك
ولا نقدر غيرك نسكن
تانــي

يامدنــي !
ردي عليا
وأرجعي عشاني
أنا
وكل أخواني
الشوق هَد كياني
وأهلي وخِلاني
برضو إتهدو!

برضو إتهدو
وما قدرو يِعَدو
أصلو فراقك ما بتعدا
ما بتعدا ونحن خلاص حيلنا إتهدا
وبعدك عني
شديد زَّلاني

أبقي قوية
خليكِ صامدة ومتماسكة
إنتِ قوية إنتِ حنينة
وتقدري
تتخطي الفارغة
حتتخطيها، هي
وكل المأسي الحاصلة

ما شغالين بيهم
هم القالو:
تستاهل مدني الجاها
ما بتستاهل جوة عيونهم
بارو ظنونهم
وظلموكِ

إنتِ، مدنيــنا
حقتنا وحِمانا
أرض المحنة ولا للمحنة
ونحن بس العارفين أحوالا
وكل أقوالا
وكل الفيها وماضيها
يخصنا نحن برانا

غصبًا عنم
أي بالميم
غصبًا عنك إنت التحكيم
غصبًا عن كل سياسي
ونازح ومغترب ومقيم
غصبًا مدني هترجع
يكفي إنها
مدني

يكفي جدًا إنها مدني
وسط ومدينة
لولاية الجزيرة ست الـ200 ميتين
عارفنهم؟
رحمة ونور تغشاهم
شهدائنا جميعًا

مدني الصامدة!
الجزيرة!
صاحبة الجثث الخامدة؟
مليانة حروب ودموم وأذية
ولسه جميلة!

لكم أن تتخيلو؟
حضنت وإحتوت ألاف الناس
غرباء وناس لي مدني كانو أساس
خلوها بي قرض التطوير
وجوها راجعين
كايسين الحـِمى والأمن والإستقرار

عاشو فيها قُرابة السِتة شهور
سكنو وشربو وأكلو
وإشتغلو
ولبسو و والله جد كانو مبسوطين
والمفروض
يكونو حامدين وشاكرين
للمولى

كفاية غرور
وكفاية شرور
مافيها منو الأولى
ومنو الأحسن ومنو الأفضل
ومنو الأقوى!

المفروض
إننا كلنا وطنًا واحد
ما يهزو لا عدو لا قوم
عشان سودانا ذاتو يقوم
نغير ذاتنا ونتماسك إيدًا واحدة

ربنا ذاتو يبارك فينا
ويدينا
الفرحة وراحة البال
ونرجع ونقول:
مدني مافي ليها مثيل
بَعدها ياما شُفنا وعِشنا
بس العملتو مدني !
لي الله أمانة
ما بتتجازى

ولاياتنا كلهن واحد
وفيها الشين وفيها الزين
لكن!
والله دي خَانة ما بتتجازف
بي غير مدني
ولا بنساها
ولا بقدر ولا عايزة
غيرها أحب تاني
وأفضل أعاني
وأكتب وأهدي حروفي وأحزاني
لحد ما نرجع
بإذن المولى
هنرجع

وكُل من يقرأ
في البتفق وفي الأصلًا ما حيقرا
كل الحُب بلا تفرقة
لكن
النص دَ
أو القصيدة دي
لي حبيبتي مدنــي

وناس مدنـــي
وهُواة مدني وعُشـاق
مدنــي
وأنا أولهم
من هواة مدينة ود مــدني
لا وكمان
مواليد مدنـي

وإنتِ يامدني جنة الدنيا ودلالا
بكرة ترجعي لا محالة
يا أحلى شيتًا غنو لي
ليكِ الدلال إدللي
أبقي البحر بدلى لي وأبقي
السما
بطلع علي

قلت لي مدني؟
ومِن مدني؟
ياخي يا أجمل خبر 🤎.

#رنا_نادر.
#كوني_بخير
#حتى_نلتقي_بإرادة_الله.


| الثلاثاء، 11 Jun 2024.
4:05.

الحُزن القديم تـمطر تزيلوا سـحابة😔🤎🤎🤎🤎

@Yakoziyat

الكلمه الحلوه بتبرد القلب وتخلي الواحد ياخد نفس كده ويهدا🥺❤️

أقصى مراحل الشُوق لخصها لينا فنان أفريقيا الأول محمد وردي في أغنية "قُلت أرحلْ" .💚!!

"في البداية بعاتبها بطريقة قاسية شوية.."
فبغني:

عُيونك ذيّ سحاب الصيف تجافي بلاد، وتسقي بلاد..
وذي فرحاً يشيل مني الشقي ويزداد.

وذيّ كلمات بتتأوه تتوه لما يجي الميعاد.
وذيّ عِيدًا غِشاني وفات عاد عم البلد أعياد..

"فقلبو بليِّن شوية ونبرة صُوتو بتتغير فبغني ليها بإحساس بخليك تشعر بكلمة حرف حرف.."

عُيونك ذيّ وطنًا وكِتْ إشتاقلو برحلو ليهو من غير زاد..
بدون عِينيكِ بصبح زولاً بدون ذِكرى، وبدون ميلاد..

رحلتَ وجيتْ وفي بُعدك لقيت..!
كُل الأرض مَنفى، مَنفى..

وعند المُفترق قال ليها:
"وإنتِ معاي لا بندم ولا بقضي العمر تبريح..💚".

#على_سبيل_الجمال..

تفضل القصائد القديمة هي الأجمل والأعمق على الإطلاق..
أنا مغرم بكل ما هو قديم حتى الأحرف💚.

#محمد_ورق.

أمهات الصحبات البقابلونا ببشاشة .. ويتونسوا معانا كأننا بناتهم .. ويمسكوا فينا لمن نجي ماشين ..

يخطفوا قلوبنا وعيونا وارواحنا والله❤️🥺

"ما العيدُ إلا ضِحكُهم وحديثهم
‏ما العيدُ إلا رؤيَةُ الأحبابِ".♡